尋日同一位寵物美容師食飯傾計，佢覺得要用威勢先可以訓練到狗狗，佢無聽過正向訓練。我就發現其實唔止一般狗主，連寵物業行內人士都唔識正向訓練嘅威力，所以我想同大家分享下正向訓練嘅係咩黎。
正向訓練（force-free) 嘅核心其實唔只開心咁簡單，而且係科學上證實左真係比其他方法更有效。
我地會用正面激勵同獎勵嚟訓練狗狗嘅方法，唔會用到威嚇或者懲罰。相對於用威嚇同懲罰嘅方法，正向訓練可以建立主人同狗狗之間嘅信任同互動，培養出更穩定同開心嘅行為模式。
首先，正向訓練可以令狗狗開心同有趣。透過玩樂、遊戲同埋獎勵狗狗，佢會有自信同開心嘅情緒，更鍾意去學習新嘅行為模式。
其次，正向訓練可以令狗狗更容易理解主人嘅期望。透過獎勵同激勵，狗狗可以更快學習到邊啲行為係啱嘅，而且更容易理解主人嘅指示同訓練。
最後，正向訓練可以令主人同狗狗之間嘅關係更加和諧。透過建立信任同互動，主人可以更好咁了解狗狗嘅需求同喜好，建立更好嘅溝通同互動方式。
如果想親身見識下正向訓練嘅好處，搵我啦，我免費試堂示範畀你睇。
